تاریکی میں نور کا منظر سورج میں شب دیکھو گے
تاریکی میں نور کا منظر سورج میں شب دیکھو گے
جس دن تم آنکھیں کھولو گے دنیا کو جب دیکھو گے
دھیرے دھیرے ہر جانب سناٹا سا چھا جائے گا
سو جائیں گی رفتہ رفتہ آوازیں سب دیکھو گے
کھمبے سارے ٹوٹ چکے ہیں چھپر گرنے والا ہے
بنیادوں پر جینے والو اوپر تم کب دیکھو گے
شاید تم بھی میرے جیسے ہو جاؤ گے آنکھوں سے
سہمے چہرے گنگ زبانیں زرد بدن جب دیکھو گے
وہ تو بازی گر ہیں ان کا مقصد کھیل دکھانا ہے
تم تو فرزانے ہو صاحب کب تک کرتب دیکھو گے
پہلے تو سرسبز رہوگے پھر پیلے پڑ جاؤ گے
جس دن تم بھی رنگ نگر میں سرخ کوئی لب دیکھو گے
بیٹھے بیٹھے گھر میں یوں ہی پل پل گھٹ گھٹ مرنا ہے
یا نکلو گے گھر آنگن سے جینے کا ڈھب دیکھو گے
کل تک جو شفاف تھے چہرے آوازوں سے خالی تھے
آڑی ترچھی سرخ لکیریں ان پر بھی اب دیکھو گے
کھمبے تو یہ گاڑ چکے ہیں رسی بھی اب تانیں گے
یہ بھی کھیل ہی کھلیں گے ان کے بھی کرتب دیکھو گے
غضنفر 
(883) ووٹ وصول ہوئے
Tariki Mein Nur Ka Manzar Suraj Mein Shab Dekhoge In Urdu By Famous Poet Ghazanfar. Tariki Mein Nur Ka Manzar Suraj Mein Shab Dekhoge is written by Ghazanfar. Enjoy reading Tariki Mein Nur Ka Manzar Suraj Mein Shab Dekhoge Poem on Inspiration for Students, Youth, Girls and Boys by Ghazanfar. Free Dowlonad Tariki Mein Nur Ka Manzar Suraj Mein Shab Dekhoge by Ghazanfar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends