Muntazir
jab kabhi main udas hoti hun
ek hujum aansuon ka palkon par
muntazir izn ko taDpata hai
kya karun main samajh nahin aata
kis tarah se tumhaari yaadon ko
surat-e-ashk mein baha Dalun
kya kahun ek ghuTan ka aalam hai
main hun tanhai aur teri yaaden
har ghaDi dil ko aarzu hai yahi
jo abhi tak nahin hua jaanan
kash aisa kabhi to ho jae
yaad aae na teri us se qabl
tu mere samne chala aae
Ghausiya Khan Sabeen 
(921) Peoples Rate This