Kiraya-dar
are aao
be-fikr ho ke aao
meri zindagi mein
ghabrao nahin
koi TuT-phuT nahin hogi tum se
aao to
dar-asl yahan kuchh baqi hi nahin TuTne ko
han kuchh purane KHwabon ki kirchen hain
tumhaare aane tak saf ho jaengi
us ke baad jo hoga sab tumhaara hi hoga
jate waqt jo kuchh salamat bache
le jaana
KHwabon ki kirchen gar rah gain tumhaare baad to sameT ke rakh dena mere honThon pe
muskurahaTon mein bandh ke
Geetanjali Rai 
(634) Peoples Rate This