سر کیا زلف کی شب کو تو سحر تک پہنچے
سر کیا زلف کی شب کو تو سحر تک پہنچے
ورنہ ہم لوگ کہاں حسن نظر تک پہنچے
آج پلکوں پہ مری جشن چراغاں ہوگا
کتنے انمول گہر دیدۂ تر تک پہنچے
میری راتوں کا اندھیرا بھی دعائیں دے گا
اک ستارہ جو اتر کر مرے گھر تک پہنچے
کون کہتا ہے کہ خورشید اتر کر آئے
ایک جگنو ہی مگر خاک بسر تک پہنچے
جو بھی آئے ترے کوچے میں وہ جاں سے گزرے
سر ہتھیلی پہ اٹھائے ترے در تک پہنچے
ہے اسی صاحب معراج کا احسان کہ ہم
خاک ہو کر بھی مگر شمس و قمر تک پہنچے
میں اندھیروں کا مسافر ہوں اجالوں کا نقیب
کس کی جرأت ہے مری گرد سفر تک پہنچے
انگلیاں پہلے قلم کرنا پڑیں گی بابرؔ
پھر یہ ممکن ہے قلم حرف ہنر تک پہنچے
غفار بابر 
(688) ووٹ وصول ہوئے
Sar Kiya Zulf Ki Shab Ko To Sahar Tak Pahunche In Urdu By Famous Poet Gaffar Babar. Sar Kiya Zulf Ki Shab Ko To Sahar Tak Pahunche is written by Gaffar Babar. Enjoy reading Sar Kiya Zulf Ki Shab Ko To Sahar Tak Pahunche Poem on Inspiration for Students, Youth, Girls and Boys by Gaffar Babar. Free Dowlonad Sar Kiya Zulf Ki Shab Ko To Sahar Tak Pahunche by Gaffar Babar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends