Mauj-e-KHun Sar Se Guzar Jati Hai Har Raat Mere
mauj-e-KHun sar se guzar jati hai har raat mere
phuT kar KHwabon mein rota hai koi sat mere
ab na wo git na chaupal na panghaT na alao
kho gae shahron ke hangamon mein dihat mere
zindagi bhul gai apne ghamon mein is ko
daulat dard wafa bhi na lagi hat mere
muddaton pahle ki jab tujh se taaruf bhi na tha
teri taswir banate the KHayalat mere
Fuzail Jafri 
(709) Peoples Rate This