IntiKHab-e-nigah-e-shauq Ko Mushkil Bhi Nahin
intiKHab-e-nigah-e-shauq ko mushkil bhi nahin
koi aaina tera aaj muqabil bhi nahin
kaun se gul ki KHabar baad-e-sahar lai hai
sehn-e-gulshan mein kahin shor-e-anadil bhi nahin
jaane ab kaun si manzil mein mein arbab-e-junun
dur tak dasht mein aawaz-e-salasil bhi nahin
tir aate hain kamin-gah se meri jaanib
meri taqdir mein kya jalwa-e-qatil bhi nahin
tujh se aur chashm-e-tawajjoh ka gila kya mani
tera fitrat tere iKHlas ke qabil bhi nahin
Fitrat Ansari 
(729) Peoples Rate This