BaDa Ghurur Hai Pal Bhar Ki Nek-nami Ka
baDa ghurur hai pal bhar ki nek-nami ka
riwaj aam hai is daur mein ghulami ka
amir-e-shahr ne dastar chhin li us ki
sila ajib diya rose ki salami ka
lab-e-furaat rahe pyase waris-e-zamzam
shikar akela nahin main hi tishna-kaami ka
basarat aisi basirat nawaz de allah
hamein sujhai de nukta hamari KHami ka
kabhi to aaina chehre ke ru-ba-ru aae
kabhi to lamha mayassar ho KHud-kalami ka
'firaq' ho gae patthar hamare donon panw
baDa tha naz hamein apni tez-gami ka
Firaq Jalalpuri 
(4430) Peoples Rate This