غم جاناں سے رنگیں اور کوئی غم نہیں ہوتا
غم جاناں سے رنگیں اور کوئی غم نہیں ہوتا
کہ اس کے درد میں احساس بیش و کم نہیں ہوتا
وہ ہیں کم ظرف جن کا شور نالہ کم نہیں ہوتا
چمن میں پھول بھی تو ہیں انہیں کیا غم نہیں ہوتا
کمال ضبط گریہ عظمت شان محبت ہے
چھلک جائے جو پیمانہ وہ جام جم نہیں ہوتا
یہاں تک دل کو عادت ہو گئی ہے بے قراری کی
سکون زندگی میں بھی تڑپنا کم نہیں ہوتا
تمہاری یاد ہی کے ساتھ دھڑکن بڑھ گئی دل کی
تصور سے مزاج حسن تو برہم نہیں ہوتا
خزاں کی الجھنیں گلچیں کا کھٹکا ہے مگر پھر بھی
کلی کا باغ میں لطف تبسم کم نہیں ہوتا
کچھ ایسی بات ہے صیاد جو ہم مسکراتے ہیں
نہیں تو آشیاں لٹنے کا کس کو غم نہیں ہوتا
نہ جانے کیوں تمہارے غم کو دنیا غم سمجھتی ہے
مسرت سے تو اس کا مرتبہ کچھ کم نہیں ہوتا
فگارؔ اس گلشن ہستی کا عبرت خیز عالم ہے
کہ شبنم رو رہی ہے گل کا ہنسنا کم نہیں ہوتا
فگار اناوی 
(971) ووٹ وصول ہوئے
Gham-e-jaanan Se Rangin Aur Koi Gham Nahin Hota In Urdu By Famous Poet Figar Unnavi. Gham-e-jaanan Se Rangin Aur Koi Gham Nahin Hota is written by Figar Unnavi. Enjoy reading Gham-e-jaanan Se Rangin Aur Koi Gham Nahin Hota Poem on Inspiration for Students, Youth, Girls and Boys by Figar Unnavi. Free Dowlonad Gham-e-jaanan Se Rangin Aur Koi Gham Nahin Hota by Figar Unnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends