Talte Hain Koi Hath Chale Ya Zaban Chale
Talte hain koi hath chale ya zaban chale
hum dad-KHwah sath hain us ke jahan chale
kya ham-sari ho tir ki us tir-e-ah se
ye ye hi tir hai ki sada be-kaman chale
sar pe tu dhar ke nash hamari ko ta-mazar
har ek qadam pe rote hue KHun-fishan chale
lae the sar pe dhar ke kis iKHlas se hamein
bas aankh ojhal hote hi ai dostan chale
yaron ne apni rah li 'fidwi' hamin rahe
wo chiz ab kahan hai ki puchhe kahan chale
Fidvi Lahori 
(846) Peoples Rate This