Shair Ki Iltija
payam-e-shauq ko soz-e-asar de
nawa mein aag ki tasir bhar de
hukumat ka nahin main aarzu-mand
na ye kahta hun jah-o-mal-o-zar de
ata kar lafz-o-mani ke jawahar
dur-e-nayab la-sani guhar de
dil-e-tira ko rakh aagah-e-fitrat
sawad-e-chashm ko husn-e-nazar de
qamar ki raushni KHurshed ki zau
sukut-e-sham naghmat-e-sahar de
payam-e-shauq ko soz-e-asar de
nawa mein aag ki tasir bhar de
Fazlurrahman 
(1365) Peoples Rate This