In Aaankhon Mein Bin Bole Bhi Madar-zad Taqaza Hai
in aaankhon mein bin bole bhi madar-zad taqaza hai
KHwahish KHwahish bikne wala malbusati kiDa hai
us ke chaaron or phiren kya us ke andar utren kya
apne hi andar utarne ka kya kuchh kam pachhtawa hai
sannaTe ki diwaron se sar Takra kar mar jao
chiKHon ka zalim darwaza qad se kafi uncha hai
galiyon galiyon KHak uDa li har darwaza jhank aae
tab ja kar ye KHwabon jaisa dhundla-pan hath aaya hai
kitne hi chahe jismon ki lashen manzar manzar hain
lekin an-gin KHushiyon ka bhi aaankhon hi se rishta hai
Fazl Tabish 
(941) Peoples Rate This