تعمیر نو قضا و قدر کی نظر میں ہے
تعمیر نو قضا و قدر کی نظر میں ہے
آج ایک زلزلہ سا ہر اک بام و در میں ہے
کتنے چراغ امید کے جل جل کے بجھ گئے
کیا جانے کتنی دیر طلوع سحر میں ہے
ہر اک ہے سوئے منزل جاناں رواں دواں
ہر ذرہ کائنات کا پیہم سفر میں ہے
گم کردہ راہ ہو کے بھی ان سے ہوئے نہ دور
گم گشتگی بھی ہے تو اسی رہ گزر میں ہے
آئی کہاں سے دیر و حرم میں یہ روشنی
میری جبیں کا نور مرے سنگ در میں ہے
گزری روش روش میں جلاتی ہوئی چراغ
شان خرام یار نسیم سحر میں ہے
تم جو نہیں تو گھر میں وہ اب بات ہی نہیں
دیوار و در کی بات تو دیوار و در میں ہے
دل بھی دھڑک رہا ہے نگاہیں بھی در پہ ہیں
اک خاص لطف وعدۂ نا معتبر میں ہے
ڈر ہے کہیں مجھی کو یہ پہلے ڈبو نہ دے
طوفان التجا جو مری چشم تر میں ہے
ساحل تک آئی موج یہ کہہ کر پلٹ گئی
جینے کا لطف زندگئی پر خطر میں ہے
خنجر بکف ہے یہ تو وہ خنجر در آستیں
اتنا سا فرق راہزن و راہ بر میں ہے
آئی جگر فگار حوادث کے فیض سے
شوخی جو ان دنوں مرے خون جگر میں ہے
اہل ہنر کے دل میں دھڑکتے ہیں سب کے دل
سارے جہاں کا درد ہمارے جگر میں ہے
افشائے راز دل تو بڑا عیب ہے مگر
ہو گر ادب کے ساتھ تو داخل ہنر میں ہے
آنکھوں میں بے ہنر کی کھٹکتا ہے بن کے عیب
یہ اک عجیب بات کمال ہنر میں ہے
ہوتا ہے بزم غیر میں بھی اب جو ذکر خیر
کوئی تو بات فضلئؔ آشفتہ سر میں ہے
فضل احمد کریم فضلی 
(948) ووٹ وصول ہوئے
Tamir-e-nau Qaza-o-qadar Ki Nazar Mein Hai In Urdu By Famous Poet Fazl Ahmad Kariim Fazli. Tamir-e-nau Qaza-o-qadar Ki Nazar Mein Hai is written by Fazl Ahmad Kariim Fazli. Enjoy reading Tamir-e-nau Qaza-o-qadar Ki Nazar Mein Hai Poem on Inspiration for Students, Youth, Girls and Boys by Fazl Ahmad Kariim Fazli. Free Dowlonad Tamir-e-nau Qaza-o-qadar Ki Nazar Mein Hai by Fazl Ahmad Kariim Fazli in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends