کہیں سے نیلے کہیں سے کالے پڑے ہوئے ہیں
کہیں سے نیلے کہیں سے کالے پڑے ہوئے ہیں
ہمارے پیروں میں کتنے چھالے پڑے ہوئے ہیں
کہیں تو جھکنا پڑے گا نان جویں کی خاطر
نہ جانے کس کے کہاں نوالے پڑے ہوئے ہیں
وہ خوش بدن جس گلی سے گزرا تھا اس گلی میں
ہم آج بھی اپنا دل سنبھالے پڑے ہوئے ہیں
ہماری خاطر بھی فاتحہ ہو برائے بخشش
ہم آپ اپنے پہ خاک ڈالے پڑے ہوئے ہیں
شہید ہیں ہم ہمیں کبھی رفتگاں نہ سمجھو
نہ جانے کب سے اجل کو ٹالے پڑے ہوئے ہیں
کہو تو دے دیں ہم آج تم کو حساب مستی
کہ ہم نے جتنے بھی جام اچھالے پڑے ہوئے ہیں
ہماری آنکھوں میں جب سے اترا ہے چاند کوئی
ہماری آنکھوں کے گرد ہالے پڑے ہوئے ہیں
ابھی تو ہم نے یہ زندگی اس کے نام کی ہے
ابھی تو جاں کے کئی ازالے پڑے ہوئے ہیں
یقیں نہیں ہے خود اپنے ہونے کا ہم کو ورنہ
کئی مثالیں کئی حوالے پڑے ہوئے ہیں
ہمارے کمرے میں اس کی یادیں نہیں ہیں فاضلؔ
کہیں کتابیں کہیں رسالے پڑے ہوئے ہیں
فاضل جمیلی 
(1179) ووٹ وصول ہوئے
Kahin Se Nile Kahin Se Kale PaDe Hue Hain In Urdu By Famous Poet Fazil Jamili. Kahin Se Nile Kahin Se Kale PaDe Hue Hain is written by Fazil Jamili. Enjoy reading Kahin Se Nile Kahin Se Kale PaDe Hue Hain Poem on Inspiration for Students, Youth, Girls and Boys by Fazil Jamili. Free Dowlonad Kahin Se Nile Kahin Se Kale PaDe Hue Hain by Fazil Jamili in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends