چھاؤں کو تکتے دھوپ میں چلتے ایک زمانہ بیت گیا
چھاؤں کو تکتے دھوپ میں چلتے ایک زمانہ بیت گیا
حسرتوں کی آغوش میں پلتے ایک زمانہ بیت گیا
آج بھی ہیں وہ سلگے سلگے تیرے لب و عارض کی طرح
جن زخموں پر پنکھا جھلتے ایک زمانہ بیت گیا
میں اب اپنا جسم نہیں ہوں صرف تمہارا سایہ ہوں
موسم کی یہ برف پگھلتے ایک زمانہ بیت گیا
اب تک اپنے ہاتھ نہ آیا سرمئی چھاؤں کا دامن بھی
چاندی جیسی دھوپ میں جلتے ایک زمانہ بیت گیا
وقت مداری ہے کیا جانے کھیل اپنا کب ختم کرے
سانسوں کی اس ڈور پہ چلتے ایک زمانہ بیت گیا
زندگی اور لمحوں کا تعاقب جن کا کوئی اور نہ چھور
صدیوں صدیوں موڑ بدلتے ایک زمانہ بیت گیا
اب بھی تری محراب سخن میں شمعیں سی روشن ہیں فضاؔ
سورج کو یہ آگ اگلتے ایک زمانہ بیت گیا
فضا ابن فیضی 
(901) ووٹ وصول ہوئے
Chhanw Ko Takte Dhup Mein Chalte Ek Zamana Bit Gaya In Urdu By Famous Poet Faza Ibn E Faizi. Chhanw Ko Takte Dhup Mein Chalte Ek Zamana Bit Gaya is written by Faza Ibn E Faizi. Enjoy reading Chhanw Ko Takte Dhup Mein Chalte Ek Zamana Bit Gaya Poem on Inspiration for Students, Youth, Girls and Boys by Faza Ibn E Faizi. Free Dowlonad Chhanw Ko Takte Dhup Mein Chalte Ek Zamana Bit Gaya by Faza Ibn E Faizi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends