اپنے لوگوں کے نام
غریب لوگو، ستم گزیدہ عجیب لوگو
تمہاری آنکھیں جو منتظر ہیں
کہ کوئی عیسیٰ نفس تمہارے
بریدہ خوابوں کی لاش اٹھا کر
پڑھے گا پھر سے وہ اسم اعظم
کہ جس سے یہ خواب جی اٹھیں گے
غریب لوگو، ستم گزیدہ عجیب لوگو
یہ جان لو تم، کہ وہ پیمبر
دلوں میں موجود ہے تمہارے
تم اپنے بازو کماں کرو گے
تم اپنے سینے سپر کرو گے
تو پھر وہ عیسیٰ نفس تمہارے
بریدہ خوابوں کو زندگی کی نوید دے گا
اگر یونہی سر جھکے رہے تو
غنیم اس بار خواب کیا ہیں
تمہاری آنکھیں ہی نوچ لے گا
تمہاری آنکھوں میں جو شرارے ہیں
وہ شرارے نہیں رہیں گے
تمہارے پیارے نہیں رہیں گے
غریب لوگو، ستم گزیدہ عجیب لوگو
اٹھو کہ اب وقت آ گیا ہے
فیاض الدین صائب 
(761) ووٹ وصول ہوئے
Apne Logon Ke Nam In Urdu By Famous Poet Fayyazudin Saib. Apne Logon Ke Nam is written by Fayyazudin Saib. Enjoy reading Apne Logon Ke Nam Poem on Inspiration for Students, Youth, Girls and Boys by Fayyazudin Saib. Free Dowlonad Apne Logon Ke Nam by Fayyazudin Saib in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends