اس کی ہر بات نے جادو سا کیا تھا پہلے
اس کی ہر بات نے جادو سا کیا تھا پہلے
کتنا دلچسپ کہانی کا خدا تھا پہلے
خواب لمحہ تری خوشبو میں بسا تھا پہلے
بے خبر نیند میں اک پھول کھلا تھا پہلے
کوئی تاثیر تھی جو غم کو بھلا دیتی تھی
تیرے اندر کوئی فن کار چھپا تھا پہلے
یہ بدن اب تجھے بے روح کھنڈر لگتا ہے
اس حویلی میں اک انسان جیا تھا پہلے
وقت پر موت کی لذت بھی نہیں دے پایا
مجھ کو وہ آدمی ہیرا ہی لگا تھا پہلے
اک سوئیٹر نے بڑھا دی تھی جوانی میری
تم نے میرے لئے اک خواب بنا تھا پہلے
میں جو کہتا تھا وہی بات ہوا کرتی تھی
میرے گھر میں کوئی جادو کا دیا تھا پہلے
کیسے آتا ہے دبے پاؤں گناہوں کا خیال
کتنی خاموشی سے دروازہ کھلا تھا پہلے
جو بھی چہرہ تھا وہ اپنا سا لگا کرتا تھا
مے کدہ رقص میں جب جھوم رہا تھا پہلے
اٹھ گیا ہے تو اب اس شہر کو لے ڈوبے گا
وہی طوفاں مرے اندر جو دبا تھا پہلے
ف س اعجاز 
(850) ووٹ وصول ہوئے
Uski Har Baat Ne Jadu Sa Kiya Tha Pahle In Urdu By Famous Poet Fay Seen Ejaz. Uski Har Baat Ne Jadu Sa Kiya Tha Pahle is written by Fay Seen Ejaz. Enjoy reading Uski Har Baat Ne Jadu Sa Kiya Tha Pahle Poem on Inspiration for Students, Youth, Girls and Boys by Fay Seen Ejaz. Free Dowlonad Uski Har Baat Ne Jadu Sa Kiya Tha Pahle by Fay Seen Ejaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends