تمہارے لیے مسکراتی سحر ہے
تمہارے لیے مسکراتی سحر ہے
ہمارے لیے رات کا یہ نگر ہے
اکیلے یہاں بیٹھ کر کیا کریں گے
بلایا ہے جس نے ہمیں وہ کدھر ہے
پریشاں ہوں کس کس کا سرمہ بناؤں
یہاں تو ہر اک کی اسی پر نظر ہے
اجالا ہیں رخسار جادو ہیں آنکھیں
بظاہر وہ سب کی طرح اک بشر ہے
وہ جس نے ہمیشہ ہمیں دکھ دیئے ہیں
تماشہ تو یہ ہے وہی چارہ گر ہے
نکل کر وہاں سے کہیں دل نہ ٹھہرا
بچارہ ابھی تک یہاں در بدر ہے
کسی دن یہ پتھر بھی باتیں کرے گا
محبت کی نظروں میں اتنا اثر ہے
جو پلکوں سے گر جائے آنسو کا قطرہ
جو پلکوں میں رہ جائے گا وہ گہر ہے
وہ ذلت وہ خواری بھی اس کے سبب تھی
محبت کا سہرہ بھی اس دل کے سر ہے
کوئی آ رہا ہے کوئی جا رہا ہے
سمجھتے ہیں دنیا کو خالہ کا گھر ہے
نہ کوئی پیام اس کی جانب سے آیا
نہ ملتا کہیں اب مرا نامہ بر ہے
فواد احمد 
(958) ووٹ وصول ہوئے
Tumhaare Liye Muskuraati Sahar Hai In Urdu By Famous Poet Fawad Ahmad. Tumhaare Liye Muskuraati Sahar Hai is written by Fawad Ahmad. Enjoy reading Tumhaare Liye Muskuraati Sahar Hai Poem on Inspiration for Students, Youth, Girls and Boys by Fawad Ahmad. Free Dowlonad Tumhaare Liye Muskuraati Sahar Hai by Fawad Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends