ہوا نے چھین لیا آ کے میرے ہونٹوں سے (ردیف .. ی)
ہوا نے چھین لیا آ کے میرے ہونٹوں سے
وہ ایک گیت جو میں گنگنا رہا تھا ابھی
وہ جا کے نیند کے پہلو میں مجھ سے چھپنے لگا
میں اس کو اپنی کہانی سنا رہا تھا ابھی
کہ دل میں آ کے نیا تیر ہو گیا پیوست
پرانا زخم میں اس کو دکھا رہا تھا ابھی
برس رہی تھی زمیں پر عجیب مدہوشی
نہ جانے کون فضاؤں میں گا رہا تھا ابھی
افق کے پار یہ ڈوبا ہے کس طرح سورج
یہیں پہ بیٹھ کے باتیں بنا رہا تھا ابھی
اٹھا کے دھوپ نے گھر سے مجھے نکال دیا
میں انتظار کی شمعیں جلا رہا تھا ابھی
جو سب کو ہنسنے کی تلقین کرتا رہا ہے
وہ میرے سامنے آنسو بہا رہا تھا ابھی
وہ جس کا نام پڑا ہے خموش لوگوں میں
یہاں پہ لفظوں کے دریا بہا رہا تھا ابھی
فواد احمد 
(936) ووٹ وصول ہوئے
Hawa Ne Chhin Liya Aa Ke Mere HonTon Se In Urdu By Famous Poet Fawad Ahmad. Hawa Ne Chhin Liya Aa Ke Mere HonTon Se is written by Fawad Ahmad. Enjoy reading Hawa Ne Chhin Liya Aa Ke Mere HonTon Se Poem on Inspiration for Students, Youth, Girls and Boys by Fawad Ahmad. Free Dowlonad Hawa Ne Chhin Liya Aa Ke Mere HonTon Se by Fawad Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends