Hamare Dil Ki Baja Di Hai Usne InT Se InT
hamare dil ki baja di hai us ne inT se inT
hamare aage kabhi us ka nam mat lena
usi nigah se pine mein lutf hai sara
alawa us ke koi aur jam mat lena
isi sabab se hai duniya mein aasman badnam
tum apne hath mein ye intizam mat lena
dil o nazar ki baqa hai faqat mohabbat mein
dil o nazar se koi aur kaam mat lena
yahan pe achchha hai jitna bhi muKHtasar ho qayam
zalil hoge hayat-e-dawam mat lena
ye sare log tumhaara mazaq uDate hain
jahan mein aur mohabbat ka nam mat lena
rahoge chand ki sargoshiyon se bhi mahrum
kisi se dhup ka jalta kalam mat lena
agarche tum pe hua hai yahan pe zulm bahut
kisi se us ka magar intiqam mat lena
Fawad Ahmad 
(982) Peoples Rate This