Kya Kahun Us Se Ki Jo Baat Samajhta Hi Nahin
kya kahun us se ki jo baat samajhta hi nahin
wo to milne ko mulaqat samajhta hi nahin
hum ne dekha hai faqat KHwab khuli aankhon se
KHwab thi wasl ki wo raat samajhta hi nahin
main ne pahunchaya use jit ke har KHane mein
meri bazi thi meri mat samajhta hi nahin
raat purwai ne us ko bhi jagaya hoga
raat kyun kaT na saki raat samajhta hi nahin
shaeri ka koi andaz samajhta hai inhen
wo mohabbat ki riwayat samajhta hi nahin
Fatima Hasan 
(1899) Peoples Rate This