Do Tahon Wali Sargoshi
samaaten phul chun rahi hain
ki KHak mein lu ka istiara
hiras ki manzilon se ho kar
hamare sinon mein maujzan ho
hamari aankhen
hamare halqe
na jaane kis din se muntazir hain
ki wo bhi dekhen koi sitara
koi sitara
jo nil-gun paniyon ke andar
nasheb ko raushni se bhar de
samaaten phul chun rahi hain
ki habs TuTe
hawa chale aur hazar raaten
bichhi hui saaton ko apna gawah laen
Farrukh Yar 
(815) Peoples Rate This