تیزاب، آکار خوشبو کا
نیبو پہاڑی کے دامن میں
ایک گاؤں ہے
'مدرابن'
جہاں میں پیدا ہوا تھا
(میرا نام محمد فاروق ہے)
میری ماں سیب کہ طرح سرخ اور میٹھی تھی
گلاب کہ طرح کومل اور معطر
وہ خوشبو کا آکار تھی
لگی لپٹی چھل کپٹ، جھوٹ
یہ لفظ اس نے سنے تو تھے
آزمائے نہیں تھے
دہرائے نہیں تھے
ریڈیو سے نزار قبانی کا قصیدۂ متوحشیہ نشر ہوتا ہے
یا کوئی مغنی کالیداس کا ریتو سمہار سناتا
تو وہ پھوٹ پھوٹ کر روتی
میں پوچھتا رونے کا کارن
تو کہتی
دیوتاؤں کی ان زبانوں میں
جادو کا اثر ہے
ان میں ستیہ کی دشا
اور صراط المستقیم کی نشاندہی ہے
میں بارہا اس کی سادگی پر رو دیتا
میرا باپ دانتوں میں ڈائنا مائٹ دبائے
انگلیوں کے پوروں میں تیزاب کے بن اگاتا ہے
اور پیلے مردہ مریل کاغذ کے چہرے پر
لہو کے پھول کاڑھتا ہے
خود سے الگ ہو کر خود پر مٹ کر
اپنی جائیداد سے پیار کرنے لگتا ہے
وہ آٹھ جہازوں کا مالک ہے
جو اس نے وقت کے سمندر کے پانیوں پر اتار دئیے ہیں
اور خود ایک کنٹرول روم میں بیٹھ کر
ان کی حرکات کا تعین کرتا ہے
میں بھی اس کا ایک جہاز ہوں
پتھر چبانا، پلکوں کی جھاڑیوں پر سدرہ اگانا
صبح سویرے مسجد کے دروازے پر خدا سے
آنکھیں چرا کر گزر جانا
اور خدا کے محبوب پر فریفتہ ہو کر
خدا سے رقابت بانٹ لینا
اس کی ادا بن گیا ہے
میں سرخ میٹھے سیب اور تیزاب کے اسی
امتزاج کی پیدا وار ہوں
میں کون ہوں
فاروق نازکی 
(898) ووٹ وصول ہوئے
Tezab, Aakar KHushbu Ka In Urdu By Famous Poet Farooq Nazki. Tezab, Aakar KHushbu Ka is written by Farooq Nazki. Enjoy reading Tezab, Aakar KHushbu Ka Poem on Inspiration for Students, Youth, Girls and Boys by Farooq Nazki. Free Dowlonad Tezab, Aakar KHushbu Ka by Farooq Nazki in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends