Teri Marzi Na De Sabaat Mujhe
teri marzi na de sabaat mujhe
be-yaqini se de najat mujhe
in ki nazren uThin meri jaanib
yaad hai pahli wardat mujhe
har bala se rahega tu mahfuz
is safar mein jo rakh le sath mujhe
rose milta hun mai-kade mein use
KHub pahchanti hai raat mujhe
mein tujhe jaanta hun harjai
kyun batata hai apni zat mujhe
mujh ko deti hai Dal Dal hua
chhanw dete hain pat pat mujhe
Farooq Nazki 
(955) Peoples Rate This