Gahri Nili Sham Ka Manzar Likhna Hai
gahri nili sham ka manzar likhna hai
teri hi zulfon ka daftar likhna hai
kai dinon se baat nahin ki apnon se
aaj zaruri KHat apne ghar likhna hai
shiddat par hai hare-bhare patton ki pyas
sahra sahra KHun samundar likhna hai
patthar par hum nam kisi ka likkhenge
aaine par aazar aazar likhna hai
chehra raushan khule hue sahra ki dhup
gahri aankhen gahra sagar likhna hai
is se aage kuchh likhne se qasir hun
is ke aage tujh ko baDh kar likhna hai
Farooq Nazki 
(1856) Peoples Rate This