Salib-e-mauja-e-ab-e-hawa Pe Likkha Hun
salib-e-mauja-e-ab-e-hawa pe likkha hun
azal se ta-ba-abad harf harf bikhra hun
wajud wahm mera ham-safar raha din bhar
fasil-e-sham se dekha to saya saya hun
sameT lenge kisi din nigah mausam ki
shajar shajar pe abhi apna nam likhta hun
chahaar samt ghira hun main paniyon mein yahan
mera ye karb ki ek Dubta jazira hun
hawa ke sath kahan tak uDan bharta hun
hudud-e-jism mein ek par-kaTa parinda hun
Farooq Muztar 
(796) Peoples Rate This