Na Paniyon Ka Iztirar Shahr Mein
na paniyon ka iztirar shahr mein
na mausamon ka e'tibar shahr mein
misal-e-mauja-e-hawa idhar udhar
rawan-dawan hai intishaar shahr mein
hai shab gae gharon mein raushni si kya
hai sab ko kis ka intizar shahr mein
har ek nigah be-maqam be-jahat
har ek jism be-dayar shahr mein
har ek rang aaine pe gard sa
har ek naqsh dil-e-figar shahr mein
KHuda ke nam jhuT sach ke silsile
KHuda bahut hai nam-dar shahr mein
Farooq Muztar 
(751) Peoples Rate This