Aankhon Mein Mauj Mauj Koi Sochne Laga
aankhon mein mauj mauj koi sochne laga
pani mein be-sabaat nagar Dubne laga
ek shaKH-e-rang hat se mausam ke chhuT gai
KHali badan ragon mein koi loTne laga
hai apne darmiyan koi fasl-e-narawa
dahliz pe khaDa mein kise sochne laga
wo rauzan-e-KHayal, sada, saegi saman
phir harf zahr zahr zaban gholne laga
main ek barg-e-KHushk kabhi ka asir-e-gard
phir kaun Dal Dal mujhe Tankne laga
main bolta raha to kisi ne nahin suna
main chup hua to sara nagar gunjne laga
Farooq Muztar 
(780) Peoples Rate This