صبح کا دھوکا ہوا ہے شام پر
صبح کا دھوکا ہوا ہے شام پر
چاند کو دیکھا اچانک بام پر
جز مرے سورج پرندے آدمی
سب نکل جاتے ہیں اپنے کام پر
باریابی کے لیے جائیں مگر
دل ٹھٹھک جاتا ہے پہلے گام پر
پر لگے خوشبو کو تیرے ذکر سے
مسکرائے پھول تیرے نام پر
بے ضرورت گھر سے نکلیں اور پھر
شے خریدیں کوئی مہنگے دام پر
خامشی اچھی ہے لیکن اس قدر
کچھ تو بولیں آپ اس کہرام پر
اے جنوں یہ جی میں آتا ہے کبھی
وقف کر دیں خود کو تیرے نام پر
آنکھ میں فاروقؔ آنسو آ گئے
کیا فسانہ آ گیا انجام پر
فاروق انجینئر 
(1679) ووٹ وصول ہوئے
Subh Ka Dhoka Hua Hai Sham Par In Urdu By Famous Poet Farooq Engineer. Subh Ka Dhoka Hua Hai Sham Par is written by Farooq Engineer. Enjoy reading Subh Ka Dhoka Hua Hai Sham Par Poem on Inspiration for Students, Youth, Girls and Boys by Farooq Engineer. Free Dowlonad Subh Ka Dhoka Hua Hai Sham Par by Farooq Engineer in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends