جنم جنم کی کہانی
کچھ دن پہلے تک میں کبوتر تھی
آنکھیں بند کر کے سوچتی
کہ دنیا سے بلیوں کا وجود مٹ چکا ہے
اور اس سے بھی پہلے
میں چکور اور تیتر کے درمیان کوئی شے تھی
سبحان تیری قدرت کی بولی بولتی تھی
اور چاندنی رات میں بے قرار رہتی تھی
جب میں اس سے بھی پہلے
کتیا تھی تو سارا سارا دن
اپنے مالک کے پاؤں چاٹتی رہتی تھی
مگر میرے پیار کا یہ صلہ ملا
کہ وہ ایک اور کتیا لے آیا
اس سے پہلے کے جنم میں
میں ایک خوبصورت ہرنی تھی
وہ زمانہ سب سے اچھا تھا
مگر بہت جلدی گزر گیا
اور مجھے کتیا بن جانا پڑا
ہرنی سے پہلے کا عرصہ
میں نے خرگوش بن کر گزارہ تھا
مجھ سے سب پیار کیا کرتے تھے
میں بھی سب کو چاہتی تھی
تب میں نرم نرم ہوتی تھی
آج کل میں ایک بکری ہوں
سوچتی ہوں
بہت جی لیا ہے
میرا مالک ایک سخت دل آدمی ہے
عن قریب وہ کسی قصائی کے ہاتھ
مجھے بیچ دے گا
اور لوگ میرا گوشت
کھاتے ہوئے سوچیں گے
دیکھنے میں تو اچھا تھا
جانے کیوں گلا نہیں
فرحندہ نسرین حیات 
(686) ووٹ وصول ہوئے
Janm Janm Ki Kahani In Urdu By Famous Poet Farkhanda Nasreen Hayat. Janm Janm Ki Kahani is written by Farkhanda Nasreen Hayat. Enjoy reading Janm Janm Ki Kahani Poem on Inspiration for Students, Youth, Girls and Boys by Farkhanda Nasreen Hayat. Free Dowlonad Janm Janm Ki Kahani by Farkhanda Nasreen Hayat in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends