لاکھ دل نے پکارنا چاہا
لاکھ دل نے پکارنا چاہا
میں نے پھر بھی تمہیں نہیں روکا
تم مری وحشتوں کے ساتھی تھے
کوئی آسان تھا تمہیں کھونا؟
تم مرا درد کیا سمجھ پاتے
تم نے تو شعر تک نہیں سمجھا
کیا کسی خواب کی تلافی ہے؟
آنکھ کی دھجیوں کا اڑ جانا
اس سے راحت کشید کر!! دن رات
درد نے مستقل نہیں رہنا
آپ کے مشوروں پہ چلنا ہے؟
اچھا سنیے میں سانس لے لوں کیا؟
خواب میں امرتا یہ کہتی تھی
ان سے کوئی صلہ نہیں بیٹا
دیکھ تیزاب سے جلے چہرے
ہم ہیں ایسے سماج کا حصہ
لڑکھڑانا نہیں مجھے پھر بھی
تم مرا ہاتھ تھام کر رکھنا
وارثان غم و الم ہیں ہم
ہم سلونی کتاب کا قصہ
سن مری بد گماں پری!! سن تو
ہر کوئی بھیڑیا نہیں ہوتا
فریحہ نقوی 
(1475) ووٹ وصول ہوئے
Lakh Dil Ne Pukarna Chaha In Urdu By Famous Poet Fariha Naqvi. Lakh Dil Ne Pukarna Chaha is written by Fariha Naqvi. Enjoy reading Lakh Dil Ne Pukarna Chaha Poem on Inspiration for Students, Youth, Girls and Boys by Fariha Naqvi. Free Dowlonad Lakh Dil Ne Pukarna Chaha by Fariha Naqvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends