یہ زمیں خواب ہے آسماں خواب ہے
یہ زمیں خواب ہے آسماں خواب ہے
اک مکاں ہی نہیں لا مکاں خواب ہے
جان لیوا سہی جستجو کی تھکن
پر سہارا دیے اک جواں خواب ہے
اس کی آنکھوں میں اپنائیت کی چمک
میری آنکھوں کا اک بے اماں خواب ہے
ٹوٹ جائے تو کچھ بھی نہیں کوئی بھی
جس کے دم سے ہیں دونوں جہاں خواب ہے
چلچلاتی ہوئی وقت کی دھوپ میں
ساتھ اک سایۂ مہرباں خواب ہے
تو سراب حسیں میں فریب نظر
پیار تیرا مری جان جاں خواب ہے
شادیٔ بے پنہ کا سبب ہے مگر
وجہ آہ و فغاں بھی میاں خواب ہے
زندگی کے کٹھن جنگلوں میں مرا
ہر قدم راہ بر پاسباں خواب ہے
جان شہزادؔ تنہائیاں ہیں اٹل
اور باقی کا یہ کارواں خواب ہے
فرحت شہزاد 
(1258) ووٹ وصول ہوئے
Ye Zamin KHwab Hai Aasman KHwab Hai In Urdu By Famous Poet Farhat Shahzad. Ye Zamin KHwab Hai Aasman KHwab Hai is written by Farhat Shahzad. Enjoy reading Ye Zamin KHwab Hai Aasman KHwab Hai Poem on Inspiration for Students, Youth, Girls and Boys by Farhat Shahzad. Free Dowlonad Ye Zamin KHwab Hai Aasman KHwab Hai by Farhat Shahzad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends