محبت کا یہ رخ دیکھا نہیں تھا
محبت کا یہ رخ دیکھا نہیں تھا
وہ یوں بدلے گا یہ سوچا نہیں تھا
عجب ہے سہہ کے زخم بے وفائی
یہ دل کہتا ہے وہ ایسا نہیں تھا
سبب کوئی تو ہے ان نفرتوں کا
میں جھوٹا تھا کہ وہ سچا نہیں تھا
نہ جانے کیوں مرے حصے میں آیا
وہ دکھ قسمت میں جو لکھا نہیں تھا
بہت تنہائیاں تھیں اس سے پہلے
مگر اتنا بھی میں تنہا نہیں تھا
چلو کچھ تو گھٹن کم ہو گئی ہے
بہت دن ہو گئے رویا نہیں تھا
کنارے پر کھڑا وہ کہہ رہا ہے
سمندر اس قدر گہرا نہیں تھا
سبھی کچھ ہے ندیمؔ اب پاس میرے
بس اک وہ شخص جو میرا نہیں تھا
فرحت ندیم ہمایوں 
(883) ووٹ وصول ہوئے
Mohabbat Ka Ye RuKH Dekha Nahin Tha In Urdu By Famous Poet Farhat Nadeem Humayun. Mohabbat Ka Ye RuKH Dekha Nahin Tha is written by Farhat Nadeem Humayun. Enjoy reading Mohabbat Ka Ye RuKH Dekha Nahin Tha Poem on Inspiration for Students, Youth, Girls and Boys by Farhat Nadeem Humayun. Free Dowlonad Mohabbat Ka Ye RuKH Dekha Nahin Tha by Farhat Nadeem Humayun in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends