اگر میں چیخوں
اگر میں چیخوں
میں اپنے دل کی تمام گہرائیوں سے چیخوں
تو کائناتی نظام میں کیا خلل پڑے گا
یہی کہ
اندھے کنویں سے اک بازگشت ہوگی
کہے گی کیوں تم کو کیا ہوا ہے؟
تمہی بڑے آئے ہو کہیں کے
یہ آسمان و زمیں
یہ سورج یہ چاند تارے
تمام ماں باپ سارے اجداد
شہر کے سب شریف زادے
انہیں بھی دیکھو
یہ سب مصیبت زدہ، متانت سے
بردباری میں سہہ رہے ہیں
تمہی میں برداشت کی کمی ہے
اگر میں چیخوں تو
میری آواز بھی ملامت کرے گی مجھ کو
وہ سب کہیں گے
کہ کون یہ شور کر رہا ہے
ہماری نیندیں اچاٹ کر دیں
اگر میں چیخوں
تو سارا امن و سکون
نظم اور نسق
مجھ کو خلاف قانون، دشمن خلق کہہ کر
صلیب دے گا
مگر یہ چیخوں بھرا ہوا دل
کسی بھی لمحے
مجھے کہیں خوفناک راہوں پہ ڈال دے گا
صلاح دے گا
کہ زور سے چیخو
کہ جسم کے ساتھ
روح بھی سرد ہو گئی پھر
تو کیا کرو گے
فرحت احساس 
(1167) ووٹ وصول ہوئے
Agar Main ChiKHun In Urdu By Famous Poet Farhat Ehsas. Agar Main ChiKHun is written by Farhat Ehsas. Enjoy reading Agar Main ChiKHun Poem on Inspiration for Students, Youth, Girls and Boys by Farhat Ehsas. Free Dowlonad Agar Main ChiKHun by Farhat Ehsas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends