صحرا کے سنگین سفر میں آب رسانی کم نہ پڑے
صحرا کے سنگین سفر میں آب رسانی کم نہ پڑے
ساری آنکھیں بھر کر رکھنا دیکھو پانی کم نہ پڑے
ذہن مسلسل قصے سوچیں ہونٹھ مسلسل ذکر کریں
صبح تلک زندہ رہنا ہے کہیں کہانی کم نہ پڑے
عشق نے سونپا ہے مجھ کو اک صحرا کی تعمیر کا کام
اور ہدایت کی ہے ذرہ بھر ویرانی کم نہ پڑے
میری شہ رگ کاٹی اس نے اور کہا شوخی کے ساتھ
تو سچا عاشق ہے تو پھر دیکھ روانی کم نہ پڑے
تھوڑا تھوڑا مرتا بھی رہتا ہوں میں جینے کے ساتھ
تاکہ وقت ضرورت مرنے کی آسانی کم نہ پڑے
سجدہ کرنے کو ہوتا ہوں ایک بہت ہی بڑے بت کا
اور پھر سوچتا ہوں یہ چھوٹی سی پیشانی کم نہ پڑے
ہمیں چھپانے کو دنیا نے کھول دیے کپڑوں کے تھان
چاک گریبانی یہ ترا زور عریانی کم نہ پڑے
تم فرحتؔ احساس بس اپنے آپ کو مرنے مت دینا
تاکہ دفتر دنیا میں دخل انسانی کم نہ پڑے
فرحت احساس 
(942) ووٹ وصول ہوئے
Sahra Ke Sangin Safar Mein Aab-rasani Kam Na PaDe In Urdu By Famous Poet Farhat Ehsas. Sahra Ke Sangin Safar Mein Aab-rasani Kam Na PaDe is written by Farhat Ehsas. Enjoy reading Sahra Ke Sangin Safar Mein Aab-rasani Kam Na PaDe Poem on Inspiration for Students, Youth, Girls and Boys by Farhat Ehsas. Free Dowlonad Sahra Ke Sangin Safar Mein Aab-rasani Kam Na PaDe by Farhat Ehsas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends