مرے شعروں میں فن کاری نہیں ہے
مرے شعروں میں فن کاری نہیں ہے
کہ مجھ میں اتنی ہشیاری نہیں ہے
دوائے موت کیوں لیتے ہو اتنی
اگر جینے کی بیماری نہیں ہے
بدن پھر سے اگا لے گی یہ مٹی
کہ میں نے جاں ابھی ہاری نہیں ہے
محبت ہے ہی اتنی صاف و سادہ
یہ میری سہل انگاری نہیں ہے
اسے بچوں کے ہاتھوں سے اٹھاؤ
یہ دنیا اس قدر بھاری نہیں ہے
میں اس پتھر سے ٹکراتا ہوں بے کار
ذرا بھی اس میں چنگاری نہیں ہے
نہ کیوں سجدہ کرے اپنے بتوں کا
یہ سر مسجد کا درباری نہیں ہے
گیا یہ کہہ کے مجھ سے عشق کا روگ
کہ تجھ کو شوق بیماری نہیں ہے
ہمارا عشق کرنا جسم کے ساتھ
عبادت ہے گنہ گاری نہیں ہے
براہ جسم ہے سارا تصوف
بدن صوفی ہے برہمچاری نہیں ہے
یہ کوئی اور ہوگا فرحتؔ احساس
نہیں یہ بھی مری باری نہیں ہے
فرحت احساس 
(804) ووٹ وصول ہوئے
Mere Sheron Mein Fankari Nahin Hai In Urdu By Famous Poet Farhat Ehsas. Mere Sheron Mein Fankari Nahin Hai is written by Farhat Ehsas. Enjoy reading Mere Sheron Mein Fankari Nahin Hai Poem on Inspiration for Students, Youth, Girls and Boys by Farhat Ehsas. Free Dowlonad Mere Sheron Mein Fankari Nahin Hai by Farhat Ehsas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends