میں تمام گرد و غبار ہوں مجھے میری صورت حال دے
میں تمام گرد و غبار ہوں مجھے میری صورت حال دے
مری خاک ہے کہ اڑی ہوئی اسے جسم کے خد و خال دے
کہ نہ جانے کون مرے وجود پہ پاؤں رکھ کے چلا گیا
کوئی نقش پا ہوں رکا ہوا اسے راستے سے نکال دے
میں کروں تو کیا کہ جمے رہیں مرے پاؤں میری زمین پر
مرے گھر میں مجھ کو سنبھال یا مجھے میرے گھر سے نکال دے
یہ فلک شگاف عمارتیں مرے آب و گل سے بچھڑ گئیں
مرے آب و گل پہ کرم نہ کر تو عمارتوں کو زوال دے
وہ ملا کہ جیسے بچھڑ گیا کوئی سانحہ بھی نہیں ہوا
مرا عشق بھی کوئی عشق ہے کہ نہ خوش کرے نہ ملال دے
مرے ہونٹھ جانے کہاں گئے کہ ترے ہی نام نہ لے سکے
مجھے حرف و صوت کے ماورا کوئی اور خواب و خیال دے
کوئی برف سی ہے جمی ہوئی مری چوٹیاں ہیں ڈھکی ہوئی
مرا کوہسار طلوع ہو مرے پانیوں کو ابال دے
فرحت احساس 
(974) ووٹ وصول ہوئے
Main Tamam Gard-o-ghubar Hun Mujhe Meri Surat-e-haal De In Urdu By Famous Poet Farhat Ehsas. Main Tamam Gard-o-ghubar Hun Mujhe Meri Surat-e-haal De is written by Farhat Ehsas. Enjoy reading Main Tamam Gard-o-ghubar Hun Mujhe Meri Surat-e-haal De Poem on Inspiration for Students, Youth, Girls and Boys by Farhat Ehsas. Free Dowlonad Main Tamam Gard-o-ghubar Hun Mujhe Meri Surat-e-haal De by Farhat Ehsas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends