ہمیں جب اپنا تعارف کرانا پڑتا ہے
ہمیں جب اپنا تعارف کرانا پڑتا ہے
نہ جانے کتنے دکھوں کو دبانا پڑتا ہے
بہت سے ہنستے ہوؤں کو لگا کے رونے پر
بہت سے روتے ہوؤں کو ہنسانا پڑتا ہے
کسی کو نیند نہ آتی ہو روشنی میں اگر
تو خود چراغ محبت بجھانا پڑتا ہے
کسی کے قرب کی خواہش میں یوں بھی ہوتا ہے
کہ عمر بھر کے لیے دور جانا پڑتا ہے
غزال حسن کو گھر چاہیے پر اس کے لیے
خود اپنے آپ کو صحرا بنانا پڑتا ہے
تم اس طرف سے جو گزرو تو اتنا یاد رہے
کہ اس نواح میں ہم سا دوانہ پڑتا ہے
کسی صدا پہ بھی جاتے نہیں میاں احساسؔ
پر آنسوؤں کے بلاوے پہ جانا پڑتا ہے
اب آ رہا ہو کوئی حسن اس تصوف سے
تو ہم کو حلقۂ بیعت بڑھانا پڑتا ہے
خدا ہے قادر مطلق یہ بات کھلتی ہے تب
جب اس سے کام کوئی کافرانہ پڑتا ہے
بہت زیادہ ہیں خطرے بدن کی محفل میں
پر اپنی ایک ہی محفل ہے جانا پڑتا ہے
ہمارے پاس یہی شاعری کا سکہ ہے
الٹ پلٹ کے اسی کو چلانا پڑتا ہے
عجیب طرز تغزل ہے یہ میاں احساسؔ
کہ جسم و روح کو اک ساتھ گانا پڑتا ہے
فرحت احساس 
(847) ووٹ وصول ہوئے
Hamein Jab Apna Taaruf Karana PaDta Hai In Urdu By Famous Poet Farhat Ehsas. Hamein Jab Apna Taaruf Karana PaDta Hai is written by Farhat Ehsas. Enjoy reading Hamein Jab Apna Taaruf Karana PaDta Hai Poem on Inspiration for Students, Youth, Girls and Boys by Farhat Ehsas. Free Dowlonad Hamein Jab Apna Taaruf Karana PaDta Hai by Farhat Ehsas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends