Zikr-e-shab Ke Said Ho Gae Kya
zikr-e-shab ke said ho gae kya
sahar-sae baid ho gae kya
dard kun se kashid ho gae kya
KHwab shab se KHarid ho gae kya
zindagi kyun hai larza-bar-andam
zalzale bhi shadid ho gae kya
koi baqi nahin tilism-e-jamal
ishq wale shahid ho gae kya
adab-adab ke zamane gae
silsile kuchh mazid ho gae kya
hijr hijrat malal gham aasar
zindagi ki nawed ho gae kya
na koi maslahat na bebaki
fard 'farhat' farid ho gae kya
Farhat Abbas 
(719) Peoples Rate This