Tumhaare KHwab Mere Sath Sath Chalte Hain
tumhaare KHwab mere sath sath chalte hain
kai sarab mere sath sath chalte hain
tumhaara gham gham-e-duniya ulum-e-agahi
sabhi azab mere sath sath chalte hain
isi liye to main uryaniyon se hun mahfuz
bahut hijab mere sath sath chalte hain
na jaane kaun hain ye log jo ki sadiyon se
pas-e-naqab mere sath sath chalte hain
main be-KHayal kabhi dhup mein nikal aaun
to kuchh sahab mere sath sath chalte hain
Farhat Abbas Shah 
(2502) Peoples Rate This