رگ و پے میں سرایت کر گیا وہ
رگ و پے میں سرایت کر گیا وہ
مجھی کو مجھ سے رخصت کر گیا وہ
نہ ٹھہرا کوئی موسم وصل جاں کا
متعین راہ فرقت کر گیا وہ
من و تو کی گری دیوار سر پر
بیاں کیسی حقیقت کر گیا وہ
درون خانہ سے غافل ہے لیکن
برون خانہ زینت کر گیا وہ
سر شب ہی میں اکثر جل بجھا ہوں
ہر اک خواہش کو لت پت کر گیا وہ
حوادث کا وہ تند و شوخ جھونکا
ثمر دل کا اکارت کر گیا وہ
متاع غم چھپا کر کیوں نہ رکھوں
حوالے یہ امانت کر گیا وہ
تمہیں بھی بھولنے کی کوششیں کیں
کہ خود پر بھی قیامت کر گیا وہ
سکوں آمیز لمحوں میں فریدؔ اب
فروغ رنج و محنت کر گیا وہ
فرید پربتی 
(1127) ووٹ وصول ہوئے
Rag-o-pai Mein Sarayat Kar Gaya Wo In Urdu By Famous Poet Fareed Parbati. Rag-o-pai Mein Sarayat Kar Gaya Wo is written by Fareed Parbati. Enjoy reading Rag-o-pai Mein Sarayat Kar Gaya Wo Poem on Inspiration for Students, Youth, Girls and Boys by Fareed Parbati. Free Dowlonad Rag-o-pai Mein Sarayat Kar Gaya Wo by Fareed Parbati in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends