جب تمنائیں مسکراتی ہیں
جب تمنائیں مسکراتی ہیں
پھول بنتی ہیں اور مہکتی ہیں
کوئی چپکے سے میرے سینے میں
صبح کا نور گھول جاتا ہے
کھڑکیاں دل کی کھول جاتا ہے
صاف شفاف سے دریچوں میں
رقص کرتا ہے ماہتاب کوئی
دل کی گہرائیوں میں گرتے ہی
ڈوب جاتا ہے آفتاب کوئی
چاند آتا ہے چاندنی لے کر
جھک کے تارے سلام کرتے ہیں
دل کے زخموں کا چاند تارے بھی
کس قدر احترام کرتے ہیں
کونپلیں پیار اور محبت کی
پتیاں بن کے سرسراتی ہیں
مشعلیں شاہراہ ہستی پر
غم کے ہاتھوں میں جگمگاتی ہیں
مشعلیں پیار اور محبت کی
جگمگاتی ہیں جھلملاتی ہیں
خواب بنتا ہے اک حقیقت جب
دل میں امیدیں مسکراتی ہیں
کوئی چپکے سے میرے سینے میں
صبح کا نور گھول جاتا ہے
کھڑکیاں دل کی کھول جاتا ہے
فرید عشرتی 
(791) ووٹ وصول ہوئے
Jab Tamannaen Muskuraati Hain In Urdu By Famous Poet Fareed Ishrati. Jab Tamannaen Muskuraati Hain is written by Fareed Ishrati. Enjoy reading Jab Tamannaen Muskuraati Hain Poem on Inspiration for Students, Youth, Girls and Boys by Fareed Ishrati. Free Dowlonad Jab Tamannaen Muskuraati Hain by Fareed Ishrati in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends