وہ کہتے ہیں کہ ہے ٹوٹے ہوئے دل پر کرم میرا
وہ کہتے ہیں کہ ہے ٹوٹے ہوئے دل پر کرم میرا
مگر منجملۂ آداب غم خواری ہے غم میرا
وہاں سجدے سے اب تک قدسیوں کے سر نہیں اٹھتے
پڑا تھا جس جگہ راہ محبت میں قدم میرا
زہے تقدیر ناکامی کہ تیری مصلحت ٹھہری
تری مرضی سے وابستہ ہوا اللہ رے غم میرا
نہ جانیں اس سفر کی منزل اول کہاں ہوگی
فنا کی آخری منزل پہ ہے پہلا قدم میرا
مرے جوش طلب کی شان استغنا کوئی دیکھے
کہ میں رہبر سے آگے مجھ سے آگے ہے قدم میرا
میں وہ آزردۂ وہم مسرت ہوں معاذ اللہ
کہ غم کو غم سمجھنے سے بھی گھبراتا ہے دم میرا
یہ محروم تبسم میر سامان تبسم ہے
تری بزم طرب میں معتبر ہے اشک غم میرا
اب آگے کس سے لکھا جائے آغاز محبت پر
فسانہ ختم کر دیتے ہیں ارباب قلم میرا
مری آوارگی ہر قید سے بے زار ہے شاید
کہ اب اس کی گلی میں بھی گزر ہوتا ہے کم میرا
بقا کہتے ہیں جس کو وہ مرا احسان ہے فانیؔ
وہ حادث ہوں کہ دنیائے قدم بھرتی ہے دم میرا
فانی بدایونی 
(983) ووٹ وصول ہوئے
Wo Kahte Hain Ki Hai TuTe Hue Dil Par Karam Mera In Urdu By Famous Poet Fani Badayuni. Wo Kahte Hain Ki Hai TuTe Hue Dil Par Karam Mera is written by Fani Badayuni. Enjoy reading Wo Kahte Hain Ki Hai TuTe Hue Dil Par Karam Mera Poem on Inspiration for Students, Youth, Girls and Boys by Fani Badayuni. Free Dowlonad Wo Kahte Hain Ki Hai TuTe Hue Dil Par Karam Mera by Fani Badayuni in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends