اے موت تجھ پہ عمر ابد کا مدار ہے
اے موت تجھ پہ عمر ابد کا مدار ہے
تو اعتبار ہستی بے اعتبار ہے
عہد ازل پہ زندگیوں کا مدار ہے
عالم تمام غم کدۂ اعتبار ہے
ذرات چشم شوق ہیں آمادۂ نگاہ
محرومیوں کو اب بھی ترا انتظار ہے
بیداد کا گلہ تو کروں اور جو وہ کہیں
یہ کہیے امتحان وفا ناگوار ہے
اک یہ وفا کہ ننگ غم دوست ہے ہنوز
اک وہ ستم کہ حسن کا آئینہ دار ہے
تمییز حسن و عشق نہ عرفان غم مگر
اک تیر بے پناہ کلیجے کے پار ہے
مختار ہوں کہ معترف جبر دوست ہوں
مجبور ہوں کہ یہ بھی کوئی اختیار ہے
اب کس کو اعتبار کہ تو بے وفا نہیں
اب کس کو انتظار مگر انتظار ہے
باقی نہیں کسی کو نشاط جنوں کا ہوش
کس جوش پر شباب غم روزگار ہے
آداب عاشقی کا تقاضا ہے اور بات
تو ورنہ دل کی آڑ میں خود بے قرار ہے
ہوگی کسی کو فرصت نظارۂ جمال
فانیؔ خراب حسن تماشائے یار ہے
فانی بدایونی 
(1013) ووٹ وصول ہوئے
Ai Maut Tujh Pe Umr-e-abad Ka Madar Hai In Urdu By Famous Poet Fani Badayuni. Ai Maut Tujh Pe Umr-e-abad Ka Madar Hai is written by Fani Badayuni. Enjoy reading Ai Maut Tujh Pe Umr-e-abad Ka Madar Hai Poem on Inspiration for Students, Youth, Girls and Boys by Fani Badayuni. Free Dowlonad Ai Maut Tujh Pe Umr-e-abad Ka Madar Hai by Fani Badayuni in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends