Jab Mere Raste Mein Koi Mai-kada PaDa
jab mere raste mein koi mai-kada paDa
ek bar apne gham ki taraf dekhna paDa
tark-e-talluqat ko ek lamha chahiye
lekin tamam umr mujhe sochna paDa
ek tishna-lab ne chhin liya baDh ke jam-e-mai
saqi samajh raha tha sabhi ko gira-paDa
aae the puchhte hue maiKHane ka pata
saqi se lekin apna pata puchhna paDa
yun jagmaga raha hai mera naqsh-e-pa 'fana'
jaise ho raste mein koi aaina paDa
Fana Nizami Kanpuri 
(1184) Peoples Rate This