معمولی بے کار سمجھنے والے مجھ سے دور رہیں
معمولی بے کار سمجھنے والے مجھ سے دور رہیں
مجھ کو اک آزار سمجھنے والے مجھ سے دور رہیں
پاگل پن میں آ کر پاگل کچھ بھی تو کر سکتا ہے
خود کو عزت دار سمجھنے والے مجھ سے دور رہیں
ہنس پڑتا ہوں جب کوئی حالات کا رونا روتا ہے
جیون کو دشوار سمجھنے والے مجھ سے دور رہیں
میں واقف ہوں رنگوں کی ہر رنگ بدلتی فطرت سے
رونق کو بازار سمجھنے والے مجھ سے دور رہیں
مجنوں اور شاہوں میں کچھ دن میں بھی اٹھا بیٹھا ہوں
صحرا کو گل زار سمجھنے والے مجھ سے دور رہیں
منزل کی خواہش ہے جن کو آئیں میرے ساتھ چلیں
رستوں کو ہموار سمجھنے والے مجھ سے دور رہیں
آنچل اور ملبوس پہ جن کی آنکھیں چپکی رہتی ہیں
ان کو با کردار سمجھنے والے مجھ سے دور رہیں
فیض عالم بابرؔ خود بھی یار ہے جانے کس کس کا
یاروں کو مکار سمجھنے والے مجھ سے دور رہیں
فیض عالم بابر 
(877) ووٹ وصول ہوئے
Mamuli Be-kar Samajhne Wale Mujhse Dur Rahen In Urdu By Famous Poet Faiz Alam Babar. Mamuli Be-kar Samajhne Wale Mujhse Dur Rahen is written by Faiz Alam Babar. Enjoy reading Mamuli Be-kar Samajhne Wale Mujhse Dur Rahen Poem on Inspiration for Students, Youth, Girls and Boys by Faiz Alam Babar. Free Dowlonad Mamuli Be-kar Samajhne Wale Mujhse Dur Rahen by Faiz Alam Babar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends