تم یہ کہتے ہو اب کوئی چارہ نہیں
تم یہ کہتے ہو وہ جنگ ہو بھی چکی!
جس میں رکھا نہیں ہے کسی نے قدم
کوئی اترا نہ میداں میں دشمن نہ ہم
کوئی صف بن نہ پائی، نہ کوئی علم
منتشر دوستوں کو صدا دے سکا
اجنبی دشمنوں کا پتا دے سکا
تم یہ کہتے ہو وہ جنگ ہو بھی چکی!
جس میں رکھا نہیں ہم نے اب تک قدم
تم یہ کہتے ہو اب کوئی چارا نہیں
جسم خستہ ہے، ہاتھوں میں یارا نہیں
اپنے بس کا نہیں بار سنگ ستم
بار سنگ ستم، بار کہسار غم
جس کو چھو کر سبھی اک طرف ہو گئے
بات کی بات میں ذی شرف ہو گئے
دوستو، کوئے جاناں کی نا مہرباں
خاک پر اپنے روشن لہو کی بہار
اب نہ آئے گی کیا؟ اب کھلے گا نہ کیا
اس کف نازنیں پر کوئی لالہ زار؟
اس حزیں خامشی میں نہ لوٹے گا کیا
شور آواز حق، نعرۂ گیر و دار
شوق کا امتحاں جو ہوا سو ہوا
جسم و جاں کا زیاں جو ہوا سو ہوا
سود سے پیشتر ہے زیاں اور بھی
دوستو، ماتم جسم و جاں اور بھی
اور بھی تلخ تر امتحاں اور بھی
فیض احمد فیض 
(4135) ووٹ وصول ہوئے
Tum Ye Kahte Ho Ab Koi Chaara Nahin In Urdu By Famous Poet Faiz Ahmad Faiz. Tum Ye Kahte Ho Ab Koi Chaara Nahin is written by Faiz Ahmad Faiz. Enjoy reading Tum Ye Kahte Ho Ab Koi Chaara Nahin Poem on Inspiration for Students, Youth, Girls and Boys by Faiz Ahmad Faiz. Free Dowlonad Tum Ye Kahte Ho Ab Koi Chaara Nahin by Faiz Ahmad Faiz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends