ایک نغمہ کربلائے بیروت کے لیے
بیروت نگار بزم جہاں
بیروت بدیل باغ جناں
بچوں کی ہنستی آنکھوں کے
جو آئنے چکنا چور ہوئے
اب ان کے ستاروں کی لو سے
اس شہر کی راتیں روشن ہیں
اور رخشاں ہے ارض لبناں
بیروت نگار بزم جہاں
جو چہرے لہو کے غازے کی
زینت سے سوا پر نور ہوئے
اب ان کے رنگیں پرتو سے
اس شہر کی گلیاں روشن ہیں
اور تاباں ہے ارض لبناں
بیروت نگار بزم جہاں
ہر ویراں گھر، ہر ایک کھنڈر
ہم پایۂ قصر دارا ہے
ہر غازی رشک اسکندر
ہر دختر ہمسر لیلیٰ ہے
یہ شہر ازل سے قائم ہے
یہ شہر ابد تک دائم ہے
بیروت نگار بزم جہاں
بیروت بدیل باغ جناں
فیض احمد فیض 
(2613) ووٹ وصول ہوئے
Ek Naghma Karbala-e-beirut Ke Liye In Urdu By Famous Poet Faiz Ahmad Faiz. Ek Naghma Karbala-e-beirut Ke Liye is written by Faiz Ahmad Faiz. Enjoy reading Ek Naghma Karbala-e-beirut Ke Liye Poem on Inspiration for Students, Youth, Girls and Boys by Faiz Ahmad Faiz. Free Dowlonad Ek Naghma Karbala-e-beirut Ke Liye by Faiz Ahmad Faiz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends