اے شام مہرباں ہو
اے شام مہرباں ہو
اے شام شہریاراں
ہم پہ بھی مہرباں ہو
دوزخی دوپہر ستم کی
بے سبب ستم کی
دوپہر درد و غیظ و غم کی
بے زباں درد و غیظ و غم کی
اس دوزخی دوپہر کے تازیانے
آج تن پر دھنک کی صورت
قوس در قوس بٹ گئے ہیں
زخم سب کھل گئے ہیں
داغ جانا تھا چھٹ گئے ہیں
ترے توشے میں کچھ تو ہوگا
مرہم درد کا دوشالہ
تن کے اس انگ پر اڑھا دے
درد سب سے سوا جہاں ہو
اے شام مہرباں ہو
اے شام شہریاراں
ہم پہ مہرباں ہو
دوزخی دشت نفرتوں کے
بے درد نفرتوں کے
کرچیاں دیدۂ حسد کی
خس و خاشاک رنجشوں کے
اتنی سنسان شاہراہیں
اتنی گنجان قتل گاہیں
جن سے آئے ہیں ہم گزر کر
آبلہ بن کے ہر قدم پر
یوں پاؤں کٹ گئے ہیں
رستے سمٹ گئے ہیں
مخملیں اپنے بادلوں کی
آج پاؤں تلے بچھا دے
شافئ کرب رہ رواں ہو
اے شام مہرباں ہو
اے مہ شب نگاراں
اے رفیق دل فگاراں
اس شام ہم زباں ہو
اے شام مہرباں ہو
اے شام مہرباں ہو
اے شام شہریاراں
ہم پہ مہرباں ہو
فیض احمد فیض 
(2048) ووٹ وصول ہوئے
Ai Sham Mehrban Ho In Urdu By Famous Poet Faiz Ahmad Faiz. Ai Sham Mehrban Ho is written by Faiz Ahmad Faiz. Enjoy reading Ai Sham Mehrban Ho Poem on Inspiration for Students, Youth, Girls and Boys by Faiz Ahmad Faiz. Free Dowlonad Ai Sham Mehrban Ho by Faiz Ahmad Faiz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends