Usne Dekha Jo Mujhe Aalam-e-hairani Mein
us ne dekha jo mujhe aalam-e-hairani mein
gir paDa hath se aaina pareshani mein
aa gae ho to barabar hi mein KHema kar lo
main to rahta hun isi be-sar-o-samani mein
is qadar ghaur se mat dekh bhanwar ki jaanib
tu bhi chakra ke na gir jae kahin pani mein
kabhi dekha hi nahin is ne pareshan mujh ko
main ki rahta hun sada apni nigahbani mein
wo mera dost tha dushman to nahin tha 'faisal'
main ne har baat bata di use nadani mein
Faisal Ajmi 
(1010) Peoples Rate This