ایک زن خانہ بدوش
تم نے دیکھی ہے کبھی ایک زن خانہ بدوش
جس کے خیمے سے پرے رات کی تاریکی میں
گرسنہ بھیڑیے غراتے ہیں
دور سے آتی ہے جب اس کی لہو کی خوشبو
سنسناتی ہیں درندوں کی ہنسی
اور دانتوں میں کسک ہوتی ہے
کہ کریں اس کا بدن صد پارہ
اپنے خیمے میں سمٹ کر عورت
رات آنکھوں میں بتا دیتی ہے
کبھی کرتی ہے الاؤ روشن
بھیڑیے دور بھگانے کے لیے
کبھی کرتی ہے خیال
تیز نکیلا جو اوزار کہیں مل جائے
تو بنا لے ہتھیار
اس کے خیمے میں بھلا کیا ہوگا
ٹوٹے پھوٹے ہوئے برتن دو چار
دل کے بہلانے کو شاید یہ خیال آتے ہیں
اس کو معلوم ہے شاید نہ سحر ہو پائے
سوتے بچوں پہ جمائے نظریں
کان آہٹ پہ دھرے بیٹھی ہے
ہاں دھیان اس کا جو بٹ جائے کبھی
گنگناتی ہے کوئی بسرا گیت
کسی بنجارے کا
فہمیدہ ریاض 
(1458) ووٹ وصول ہوئے
Ek Zan-e-KHana-ba-dosh In Urdu By Famous Poet Fahmida Riaz. Ek Zan-e-KHana-ba-dosh is written by Fahmida Riaz. Enjoy reading Ek Zan-e-KHana-ba-dosh Poem on Inspiration for Students, Youth, Girls and Boys by Fahmida Riaz. Free Dowlonad Ek Zan-e-KHana-ba-dosh by Fahmida Riaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends